شفت قميصى

[ درس فى خدمة الاطفال


دخلت ام وطفلها الى البابا شنودة واخذت تقول لابنها "يلا قول ابانا الذى .................قله ترتيلة تحفظها "

....اما الطفل فنظر للبابا وقال"شايف القميص الحلو بتاعى"قالهافى بساطة وفرح وكانه لم يسمع كل ما قالته له امه

وقد تعلم البابا نفسه كما يقول درسا فى معاملة الاطفال انه لابد الا نبدا مع الطفل بتسميع محفوظاته وانما امتدح اولا ما
يمكن امتداحه من شكله وملابسه وبعد ان اجعله يفرح بملاحظتى لكل هذة الامور حينئذ ادخل فى المنهج الدينى برفق شديد . وللاسف ان الكتير من الخدام والاباء والامهات بيحاولوا يعلموا اولادهم كالمستمعين لنشرة اخبار دون التفكير فى ما يحتاجه الاطفال او ما يجذب الاطفال. وعلى ما ذكر ايضا قصة حدثت ايضا مع البابا وهى عند دخول ام وابنها عند البابا قعدت تقول لابنها احكى للبابا عن درس النهاردة والولد كان منشغل عنها ولما ساله البابا انت اخدت درس ايه النهاردة يا حبيبى رد الولد درس عن الحمامة والام استغربت لان الدرس كان عن هروب العائلة المقدسة الى مصر بس لما طلع الصورة من جيبه علشان يشوفها البابا شاف البابا ان فى صورة اللى فى الصورة اعتبر الدرس كله عن الحمامة . وكان ممكن الخادم يستغل الحمامة اللى فى الصورة فى سرد القصة ويحكى ان كان فى حمامة طايرة وشافت العائلة االمقدسة ويبدا يحكى االقصة على لسان الحمامة يعنى باختصار لو انت عايز تخدم فى مدارس الاحد يبقى لازم تفهم فى الاساس ايه اللى ممكن يحبه الطفل بجد مش اللى انت بتحب انك تعمله وعن طريق ما يجذب الطفل قدمه من خلال درسك . واهم درس فى خدمة مدارس الاحد اوعى تتعامل مع المخدومين على انهم اطفال سذج وتتكلم معاهم بنفس طريقة كلامهم لان بيدرك الطفل انك بتمثل عليه ودى مش طريقتك فى الكلام وفى نفس الوقت اوعى تتخيل انه جيل النترنت وتتعامل مع طفل 5 سنين على انه 9سنين افهم الفترة العمرية للمرحلة اللى انت بتخدم فيها....................