بسم الله القوى
العظيم الانبا بولا اول السواح
ترك قوله الوحيد
من يهرب من الضيقة يهرب من الله
يعنى اللى يهرب من اى مشكلة يهرب من الله نفسه
بل يهرب من الله ويقترب من الشيطان
الكتاب بيقول
طوبى للرجل الذى يحتمل التجربة لانه اذ تزكى ينال اكليل الحياه ( يع 12:1)
الاخ يعقوب
الاخ يعقوب طالب رهبنة فى احد اديرة الصعيد
عدو الخير شغال شغل من نار
وجلب على الاخ يعقوب تجارب كتير
والتجارب نازلة علية زى الرز
وكل شوية مشكلة فى الدير بسبب الاخ بعقوب
دخل الاخ يعقوب الكنيسة
وهو زعلان جدا بيعاتب ربنا
الاخ يعقوب : ايه يا رب؟؟؟ التجارب نازلة عليا زى المطر
ديه اخرتها ؟؟؟ انا مش مستحمل يا رب
كفاية....... هى فين مراحمك؟؟؟ القيها فين؟؟؟
خرج الاخ يعقوب وهو زعلان
وتمر الايام
والمشاكل تزيد
والتجارب تزيد
والمشاكل تزيد
الاخ يعقوب: ايه يارب ؟؟؟الى متى يارب تنسانى
انا خلاص مش مستحمل انا هخرج من الرهبنة وههرب من التجارب اللى من اجلك
وفعلا
راح جرى الاخ يعقوب الى القلاية يلم حاجته
وراح يلبس حذائه
ايه ده
فجاة
مش ممكن
هو فى ايه يارب
لقى
لقى
لقى منظر عجيب
لقى الشيطان قدامه بيلبس الحذاء زيه
الاخ يعقوب : انت رايح فين يا عدو الخير ده انا سايبلك الدير وماشى
الشيطان : هو انا هسيبك؟؟؟ انا معاك فى اى مكان
الاخ يعقوب : ده انت شيطان رخم ...سيبنى
الشيطان : ما دمت هتهرب من الله يبقى هتتقرب منى
وانا هتقرب منك علشان كده انا معاك وبلبس حذائه وماشى وراك
صرخ الاخ يعقوب
يا رب ارحمنى انا تعبت انجدنى يا رب
المعاند يظلم حياتى
وبكى بشدة
فوجد قول الانبا بولا اول السواح
من يهرب من الضيقة بهرب من الله
ربى يسوع المسيح
اشكرك لانك فى كل ضيقة انت معى
لا اريد راحة من الضيقات
لانى اجدك ممسك بيدى وقت الضيقة
ولولا الضيقة ما كنت احس بلذة تعزياتك
حقا
تعذياتك تلذذ نفسى
لك كل مجد وكرامة
امــــــين
الإثنين أكتوبر 26, 2009 8:10 am
